Видео
Смотрите онлайн удобно и без смс Azərbaycan kinoteatrlarında uşaqlar üçün təhlükəli cizgi filmi
Elm və texnologiyanın inkişafı ilə paralel olaraq, öz məqsədlərini və ideyalarını insanlara, xüsusi ilə gənc nəslə və körpələrə çatdırmaq istəyən dairələr də bu inkişafdan bəs qədər bəhrələnirlər. Bu yöndə rastlaşdığımız son hadisə Azərbaycan kinoteatrlarında da geniş şəkildə nümayiş olunan “Leyləklər” cizgi filmidir. FaktXəbər-in məlumatına görə, 6 yaşdan yuxarılar üçün nəzərdə tutulan cizgi filminin təqdim etməsində bildirilir ki, əsrlər boyu xüsusi fabrikdə istehsal olunan uşaqlar leyləklər vasitəsi ilə insanlara çatdırılıb. Lakin daşınma zamanı leyləklərdən biri qanunu pozduğundan və uşağı valideynlərinə çatdırmadığından, müəssisə bu işi dayandırır. Artıq bu kompaniya, ancaq poçt məhsulları çatdırır. Cizgi filmin baş qəhrəmanı ən yaxşı kuryer Leylək Cunior və səhv ucbatından valideynlərinə çatdırılmayan Lyutikdir. Bir dəfə onlar təsadüfən uşaq istehsalı maşınını işə salırlar və çox gözəl, şirin bir qızcığaz istehsal olunur. Film həmin uşağı təyinat nöqtəsinə çatdırmaqdan və sonda kompaniyanın yenidən işə düşməsindən gedir. Filmin sonluğu isə maraqlı kadrlarla başa çatır. Belə ki, leyləklərin dimdiklərində daşıdıqları uşaqları çatdırdıqları ailələrdən bəziləri bu cür təqdim edilir: ailəli olan iki qadına uşaq verilir, ailəli olan iki kişiyə uşaq verilir. Bunun heç də təsadüf olmadığı aydındır və kadrların uşaqların şüaraltı təfəkkürünə yaxşı yer etməsi üçün bir neçə dəfə təkrarlanır. Kadrlarda ən diqqətçəkən məqam isə iki lezbiyanın həyatından bəhs edən bir başqa filmdəki baş qəhrəmanların personaj kimi sonda bu cizgi filminə daxil edilməsidir.
